افغانستان

د بهرنیو ځواکونو هوايي برید څلورو ملي پولیسو ته مرګ‌ ژوبله اړولې

د لوګر امنیتي چارواکو خبر ورکړی، چې تېره شپه د دغه لایت په مرکز پل علم ښار ته څېرمه امریکایي هوايي ځواکونو د ملي پولیسو پر یوه پوسته بمبار کړی او څلورو پولیسو ته يې مرګ ژوبله اړولې.

د لوګر ولایت د امنیه قومندانۍ ویاند شاپور احمدزي دا پېښه تائید کړې.

د نوموړي په خبره، په برید کې یو پولیس وژل شوی او درې نور ټپيان دي.

د پولیسو ویاند د پيښې د لامل په اړه وايي، پېښه له سیمه ئیزو امنیتي ارګانونو سره د نه همغږۍ او غلط کوردینات له امله رامنځته شوې.

د یادونې له دې وړاندې هم څو ځلې بهرنیو ځواکونو پر افغان امنیتي سرتېرو او د هغوی پر پوستو بمبارۍ کړې او درنه مرګ ژوبله یې اړولې. چې د دې ډول تر وروستۍ پېښه د هلمند په نهر سراج ولسوالي کې د کندهار-هلمند پر لویه لار د عامه نظم پر پولیسه بمبارۍ چې د دې شاهراه د عمومي قومندان قومندان ګران حبیب په ګډون پکې لسګونه پولیسو ته مرګ ژوبله واوښته.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون