افغانستان سلايډ (فيچر)

یوناما: د لوګر په هوايي برید کې ټول وژل شوي، ملکیان دي

افغانستان کې د ملګرو ملتونو استازولۍ یا یوناما دفتر نن (سې شنبه /جولای۲۳مه) وویل، د تیرې یکشنبې په ورځ د ګډو ځواکونو په هوايي برید کې د درې ښځو او څلورو ماشومانو په ګډون نهه ولسي وګړي وژل شوي.

یوناما ویلي، دا برید د لوګر په برکي برک ولسوالۍ کې د تېرې یکشنبې په ورځ ناوخته شوی دی. یوناما زیاتوي، د قربانیانو د خپلوانو ملاتړ باید وشي او د ورته بریدونو په اړه دې لا نورې څېړنې وشي.

تېره ورځ د لوګر سیمه ییزو چارواکو هم وویل، برکي برک ولسوالۍ کې هوايي برید نهه کسان وژلي او شپږ نور یې ټپیان کړي دي.

د لوګر د برکي برک ولسوال احمد ویس عبدالرحیمزي د یکشنبې په ورځ رسنیو ته وویل، چې د کوچیانو کمپ په سېمه کې د کوچیانو پر کېږدیو د شپې هوايي ځواکونو بریدونه کړي، چې د شپږو ماشومانو او دریو ښځو په ګډون یې نهه تنه وژلي او شپږ نور ، چې یوه پېغله ، یو ځوان ، یوه ښځه او درې د پاخه عمر کسان دي ټپيان شوي دي او دا مهال په روغتون کې تر درملنې لاندې دي.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون