ټکنالوژي

سږکال بیا د ایفون درې مختلفې بڼې وړاندې کېږي

د افشا شوو معلوماتو پر بنسټ کېدای شي اپل د سپټمبر په میاشت کې د ایفون نوي ځیرک موبایلونه وړاندې کړي او د تېر کال په څېر سږکال به هم د دغو ځیرکو موبایلونو درې مختلفې بڼدې وړاندې کوي.

د «ناین ټو فایف مک» په یو راپور کې ویل شوي چې اپل کمپنۍ سږکال هم د ایفون درې مختلفې بڼې وړاندې کوي چې امکان لري دغه ځیرک موبایلونه ایفون۱۱ وبلل شي.

که څه هم د راتلونکو ایفونونو ډیزاین کې به کوم ځانگړی توپیر تر سترگو نشي، خو د پخوانیو ایفونونو په پرتله به غوره پروسېسر او کامرې ولري.

دغو ایفونونو کې به د اپل کمپنۍ نوی پروسېسر اې۱۳ ځای پر ځای شوی وي.

د دغو ځیرکو موبایلونو گران بیه بڼې به غوره مخ‌پاڼې ولري او ارزان بیه بڼې کې به یې د نورو په پرتله کمزورې او عادي مخ‌پاڼه کارول شوې وي.

د راپورونو پر بنسټ ایفون اېکس اېس او اېکس اېس مکس نوې بڼې به شاتنۍ برخې کې درې کامرې ولري او دا به د اپل کمپنۍ په تاریخ کې لومړی ځل وي چې خپلو ځیرکو موبایلونو کې درې کامرې کاروي.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون