افغانستان سلايډ (فيچر)

طالبان: د کشمير مسئله له افغانستان سره تړاو نه لري

طالبانو د کشمير پر سره د هند او پاکستان ترمنځ پېښ شوي بحران په اړه خپله خواشيني ښوولې ده.

د طالبانو له رسمي ادرسه رسنيو ته په لېږل شوې ويناپاڼه کې راغلي، چې د هند له لوري د کشمير نيمه خپلواکۍ لغوه کولو او هلته د زرګونو پوځيانو ځای پر ځای کولو له امله د کشمير مسلمانان له ستونزو سره مخ دي.

طالبانو د دواړو هېوادونو پر چارواکو غږ کړی، چې شته ستونزه د خبرو له لارې اواره کړي او په ورته وخت کې يې له ملګرو ملتونو او اسلامي کنفراس څخه هم غوښتي، چې سيمه کې د تاوتريخوالي د کمولو په موخه بېړني ګامونه پورته کړي.

طالبانو د يو شمېر پاکستاني چارواکو او سياسي مشرانو هغو څرګندونو ته هم اشاره کړې، چې د کشمير مسئله يې له افغانستان سره تړلې بللې ده.

اعلاميه کې راغلي، د کشمير مسئله له افغانستان سره تړاو نه لري او دغه مسئله د افغانستان قضيې سره تړل د وضعيت په ښه کولو بې ګټې بولي.

طالبان ټينګار کوي، چې د افغانستان مسئله جلا ده او بايد د نورو هېوادونو د سیاليو ډګر نه وي.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون