افغانستان سلايډ (فيچر)

خوست او کاپيسا کې لسو ملکي وګړو ته مرګ ژوبله اوښتې

د خوست امنیتي چارواکي وايي د اسماعیل خېلو مندوزيو ولسوالیو د مقبلو په کلي کې په یوه مرموزه پېښه کې د پکتیا له سيدکرم ولسوالۍ څخه د یوې تازه په کډه راغلې کورنۍ درې غړي وژل شوي.

د خوست د والي ویاند پېښه تائید کړې او وايي د پيښې په تړاو یې پلټنې پيل کړي.

همداراز په یوه بله پېښه کې د کاپيسا د تګاب ولسوالي په جالوخېلو سېمه کې د ملي اردو د کنډک څخه په توغول شوي هاوان کې د یوې کورنۍ درې ماشومانې انجونې وژل شوې او څلور تنه نور ټپیان شوي، چې وروسته یې په غبرګون کې لاریون هم شوی دی.

د کاپیسا ولايت د تګاب ولسوالي اوسېدونکو د یادې پيښې په غبرګون کې د ملي اردو د کنډک قومندان خلاف لاریون کړی او وايي دا قومندان د تګاب د خلکو د شهیدانولو لپاره رالیږل شوی دی.

د دوی په خبره،د کنډک قومندان په تیرو درېو ورځوکې د ښځو او ماشومانو په شمول لس کسان شهیدان کړي.

په ټولنیزو شبکو کې د یوې نشر شوې ویډیو څخه ښکاري چې نن یو ځل بیا خلکو لاریون کړی چې عسکرو پر هغوی هم ډزې وکړې او خلک یې وویشتل.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون