سلايډ (فيچر) نظر

طالبان؛ او د دویم نمبر فتحې نشه!

استاد محمد زمان مزمل

پدې کې شک نشته چې د طالبانو مقاومت د نړۍ په تاریخ کې یوه د څیړنې وړ تحول او موړ وه.

طالب په یو سر او یو عنوان د امریکا او اته څلویښت ملګرو سره د اتلسو کلو په اوږده زمانه کې وجنګید او د شوروي په شان نه عربانو حمایه کړ او نه هم د پروني امریکا او غرب غوندې تر شا ولاړ و چې د مجاهدینو تر شا ولاړ وه تر شا یې څوک هماغسې ونه دریدل
او په داخل کې هم نظر د طالب ټکري پالیسۍ ته چې ټول جهادي ګوندونه یې ګواښلي وو له دوی سره څوک ونه دریدل ولې بیاهم د هغوی جٌجرو کې دومره څه وه چې آن د مذاکراتو په دوران کې یې هم د خلیلزاد په روایات داسې چنې او جدلي مباحث درلودل چې خلیلزاد پکې دا پر هغوی زیات وګڼل.

تر دې ځایه چې څه مو وویل دا پر حق دي ولې دا چې طالب د جنګ په میدان کې چا حمایه نکړ او نن یې د سیاست په میدان کې نیم افغانستان تر شا ولاړ دی او مسکو ته ورغلي مشران ددغې خبرې یو ژوندی ثبوت وه
ولې طالبان له خپل ملت سره پدې وروستیو څلورو کلو کې چې زمینه ښه ورته مساعده ده له ملت سره او ډلو سره له ښکاره تفاهم او بحث نه ډډه کوي بلکې هاغه د قطر په جلسه کې یې هم د خپلو نخبه شهیدانو یو زوړ اکا او یا مشر خان لالا له ځان سره په یو بدل واسکټ کې ملګری نکړ.

په سیاسي جاده کې د طالبانو دا یوه ستوی تګ مبادا د افغانستان خلکو ته دا تصور ورکړي چې طالبان د خپلې فتحې په نشه کې دي.

زه په همدې مناسبت طالب مشرانو ته وایم چې دا په رښتیا یوه لویه او عظیمه فتحه وه ولې تر دې د شوروي د محال فتحه ځکه کمه نه وه چې هغه د یو ګاونډي ځواکمنې امپراتورۍ سره ډغره وه او دا د ځمکې د بل مخ نه د یو راغلي مسافر ځواک سره ډغره وه ، نه ښایې د فتحې په مهال طالبان تواضع هیره کړي او پخپله دویمه فتحه داسې نشه شي چې د تفاهم او مذاکراتو پړاونه پکې پیکه شي.

زه چې تر کومه ځایه پوهیږم طالبان ان شاءالله تر دې ښه او ژور دي ولې بیاهم ما هغوی ته د ولس اندیښنې ور انتقال کړې.

نړۍ نيوز

نړۍ نيوز

نړۍنيوز خپلواکه او بې پرې خبري، تحلیلي او معلوماتي وېب پاڼه ده، چې د بیان د ازادۍ اصل ته په پام د ورځنیو کورنیو، سیمه ییزو او نړیوالو پېښو اړوند خبرونه، تحلیلونه او د لیکوالو نظرونه وړاندې کوي.

څرگندون

خپور کړه

ستاسو برېښناليک به نه خپريږي. غوښتى ځایونه په نښه شوي *

وروستي

زېرمتون